BÜRO DLB - IDEE-REALISATION-KOMMUNIKATION
Daniel Leutenegger, Bulliard 95, CH-1792 Cordast, Tel +41 (0)26 684 16 45 (nachmittags), www.ch-cultura.ch

BÜRO DLB - IDEE-REALISATION-KOMMUNIKATION
Daniel Leutenegger
Bulliard 95
CH-1792 Cordast
Tel +41 (0)26 684 16 45 (nachmittags)
Fax +41 (0)26 684 36 45
E-Mail
www.ch-cultura.ch.ch

Gian Ramming daventa "schef svilup" RTR

Gian Ramming daventa "schef svilup" RTR

01.11.2016 Gian Ramming, schefredactur e commember da la direcziun da Radiotelevisiun svizra Rumantscha, daventa a partir dal 2017 manader da la nova partiziun svilup tar RTR.


A partir dal 2017 surpiglia Gian Ramming sia nova incumbensa sco 'manader svilup' tar Radiotelevisiun Svizra Rumantscha - RTR

Tras il svilup digital sa midan ils basegns da la populaziun cuntinuadamain, communitgescha Radiotelevisiun Svizra Rumantscha (RTR). Uschia ch'i saja central da sa preparar per las sfidas dal futur. La nova partiziun svilup duai garantir il svilup da la chasa da medias publica per la Svizra rumantscha. A partir dal 2017 surpiglia il schefredactur actual, Gian Ramming, la direcziun da la partiziun nova.

Sviluppà era sco schefredactur

Gian Ramming lavura dapi 13 onns tar RTR, dapi 2009 sco schefredactur. Sut sia batgetta sajan formats da radio e televisiun vegnids sviluppads enavant e novs formats sajan vegnids lantschads. Uschia per exempel l'emissiun da novitads per uffants «Minisguard» ubain las emissiuns spezialas da votaziuns ed elecziuns a la televisiun. Era la purschida d'online sin rtr.ch è vegnida engrondida successivamain sut l'egida da Ramming.

La plazza da schefredactur, respectiv schefredactura tar RTR è vacanta a partir dal 2017 e vegn scritta ora.

Reorganisaziun da la direcziun

Per render quint a la midada da la martgà reorganisescha RTR il medem mument sia organisaziun interna. La manadra communicaziun, Tamara Deflorin, daventa danov commembra da la direcziun RTR. Plinavant vegn entras la fusiun dal stab da direcziun e la gestiun commerziala empitschnì l'organigram. Uschia sa cumpona la direcziun da RTR en futur da:

  • Ladina Heimgartner (directura)
  • Tamara Deflorin (scheffa communicaziun)
  • Beat Lozza (schef servetschs centrals)
  • Pius Paulin (schef tecnica)
  • Gian Ramming (schef svilup)
  • vacant (schefredacturA)

cdm/uca/RTR

http://www.rtr.ch/novitads/grischun/chantun/gian-ramming-daventa-schef-svilup-rtr

 

 

 

Zurück zur Übersicht