ILS DIS DA LITTERATURA, IL "SOLOTHURN DALS RUMANTSCHS"
h(768)/855cf0a76f74136adcdeedb75a87becd.jpg "ILS DIS DA LITTERATURA, IL \"SOLOTHURN DALS RUMANTSCHS\"")
28.10.2017 Ils Dis da litteratura (Ddl) han lieu dals 3 fin ils 5 da november 2017 en halla polivalenta Tircal a Domat.
Intent
Ils Ddl, il «Solothurn dals Rumantschs», porschan dapi l‘onn 1990 ad auturs ed auturas, ad amis da la litteratura ina plattafurma ed in‘occasiun per sa scuntrar, barattar ideas e survegnir novs impuls. Mintg‘onn vegnan preschentadas e discutadas novas ovras litteraras e lavurs linguisticas entaifer in motto general. Pel solit èn reservadas la sonda e la dumengia per la litteratura, durant che las sairadas vulan integrar er autras furmas culturalas (musica, teater, cabaret) e dar ina pussaivladad da seser ensemen tar in bierin da la bar litterara. Grazia a la derasaziun tras las medias - Radiotelevisiun Svizra Rumatscha (RTR) è noss partenari da medias - vegn cuntanschì in grond public entaifer ed ordaifer il Grischun. Ils Ddl promovan pia sco event cultural explicitamain l‘identitad culturala da la Rumantschia.
Organisaziun
Il comité dals Ddl, quai èn tschintg giuvnas rumantschas che vulan mantegnair ed avanzar quest event litterar, cultural ed ussa dapi 25 onns popular. Per che las 150 vals grischunas, lur abitants e lur idioms as possian scuntrar a Domat, lavura il comité cun bler idealissem e plaschair e per gronda part senza paja. L‘organisaziun tetgala dals Ddl è la Uniun per la Litteratura Rumantscha (ULR); ella sustegna e promova la litteratura rumantscha a moda integrala da lectorats professiunals fin la vendita da cudeschs. Entaifer la ULR è il comité dals Ddl dentant sulet respunsabel per il program, l‘organisaziun, la realisaziun e la finanziaziun dals Dis da litteratura.
Impressum
Patrunadi:
Uniun per la Litteratura Rumantscha (ULR)
Comité d‘organisaziun: Laura Decurtins Rosset, Sara F. Hermann, Sereina Nay,
Corina Schmed, Natalia Tuor
Creaziun: Jörger-Strauss, Annatina Nay
Programmaziun: Simon Wülser
Deutsch:
http://www.disdalitteratura.ch/de/
Contact / Kontakt:
http://www.disdalitteratura.ch/
---
Auf dieser Webseite u.a. erschienen:
